जिल्ह्याविषयी

१ ऑगस्ट २०१४ रोजी ठाणे जिल्ह्यातील देशातील सर्वात मोठ्या नागरी सागरी टेकडीचा भाग विभागला गेला आणि महाराष्ट्रातील ३६ वा नवीन जिल्हा, पालघर अस्तित्वात आला. तत्कालीन मुख्यमंत्री व तत्कालीन महसूलमंत्र्यांच्या उपस्थितीत नवीन जिल्ह्याच्या कामाला १ ऑगस्ट २०१४ पासून सुरुवात झाली. पालघर हा राज्यातील ३६ वा जिल्हा आहे. पालघर जिल्ह्याची एकूण लोकसंख्या २९ लाख ९५ हजार ४२८ इतकी आहे. जिल्ह्यात जव्हार, मोखाडा, तलासरी, वसई, विक्रमगड, पालघर, डहाणू आणि वाडा असे एकूण आठ तालुके आहेत.

पालघर जिल्ह्य़ात एकूण भौगोलिक क्षेत्रापैकी ४ लाख ६९ हजार ६९९ हेक्टर, एकूण १००७ गावे व ४६७ ग्रामपंचायती आहेत. जिल्ह्यात साक्षरतेचे प्रमाण ६६.६५% आहे. पुरुष साक्षरतेचे प्रमाण ७२.२३% तर महिला साक्षरतेचे प्रमाण ५९.२८% आहे.

जिल्ह्याच्या पूर्वेला ठाणे व नाशिक, पश्चिमेला अरबी समुद्र, दक्षिणेला मुंबई, ठाणे व उत्तरेला वलसाड (गुजरात), दादरा व नगर हवेली आहे. पालघरची किनारपट्टी ११२ कि.मी.ची आहे.पालघर पश्चिमेला अरबी समुद्राचे समुद्रकिनारे आणि पूर्वेला सह्याद्रीच्या डोंगररांगा पर्यटकांचे आकर्षण असलेल्या निसर्गसौंदर्याने नटलेले आहे.

पालघर जिल्ह्यात वसई, अर्नाळा, गंभीरगड, तारापूर, काळदुर्ग, केळवा, कामणदुर्ग, शिरगाव हे किल्ले आहेत. वसईतील जीवदानी मंदिर आणि डहाणूतील महालक्ष्मी मंदिर हा जिल्ह्याचा आध्यात्मिक ठेवा आहे.
पालघर जिल्ह्य़ात आदिवासी लोकसंख्या आहे. वारली चित्रकला आणि तारपा नृत्य हा आदिवासी सांस्कृतिक वारसा आहे. डहाणूतालुक्यातील घोलवाड चिकू उत्पादनासाठी प्रसिद्ध आहे.